پاک فوج نے رواں سال 917 دہشت گردوں کو جہنم واصل کیا ہے، ڈی جی آئی ایس پی آر – Pakistan

پاک فوج کے شعبہ تعلقات عامہ (آئی ایس پی آر) کے سربراہ لیفٹیننٹ جنرل احمد شریف چوہدری نے کہا ہے کہ پریس کانفرنس کا مقصد صوبہ خیبرپختونخوا میں سیکیورٹی صورتحال کا جائزہ لینا ہے۔

ڈی جی آئی ایس پی آر کا پشاور میں میڈیا کو بریفنگ دیتے ہوئے کہنا ہے کہ پاک افواج دہشت گردی کے خاتمے کے لیے پُرعزم ہے۔

انہوں نے کہا کہ پاک فوج دہشت گردی کے خاتمے کے لیے پرعزم ہے، ہم سب کو مل کر دہشت گردی کے ناسور کو جڑ سے اکھاڑ کر پھینکنا ہے۔

ڈی جی آئی ایس پی آر لیفٹیننٹ جنرل کے مطابق رواں سال 917 دہشت گردوں کو جہنم واصل کیا گیا ہے، جبکہ رواں برس فورسز کے آپریشن 516 جوان اور شہری شہید ہوئے ہیں۔

ان کا کہنا ہے کہ خیبرپختونخوا کے غیورعوام نے دہشت گردی کا مقابلہ کیا ہے، ہم وہاں شہید ہونے والوں کو سلام پیش کرتے ہیں۔

لیفٹیننٹ جنرل احمد شریف چوہدری نے پریس کانفرنس میں کہا کہ گمراہ کن بیانیے بنانے کی کوشش کی گئی ہے، دہشت گردی کے عوامل کو جانے کی ضرورت ہے۔