این ایف سی پر اجلاس: سندھ، خیبرپختوانخوا کی صوبائی شیئر میں کمی کی مخالفت – Pakistan

گیارہویں قومی مالیاتی کمیشن (این ایف سی) کا اجلاس اسلام آباد میں شروع ہو گیا ہے، جس کی صدارت وفاقی وزیر خزانہ محمد اورنگزیب کر رہے ہیں۔ اجلاس میں چاروں صوبوں کے وزراء خزانہ، وزرائے اعلٰی اور دیگر اعلیٰ حکام شریک ہیں۔

ذرائع کے مطابق اجلاس میں وفاق اور چاروں صوبوں کی مالیاتی صورتحال پر بریفنگ دی جا رہی ہے۔ اجلاس میں این ایف سی ایوارڈ سے متعلق سفارشات پر بھی غور کیا جا رہا ہے۔

ذرائع کا کہنا ہے کہ اجلاس میں ذیلی گروپس قائم کرنے کا جائزہ لیا جائے گا تاکہ مالیاتی امور اور سفارشات پر مزید تفصیلی کام کیا جا سکے۔ مزید برآں، مستقبل کے اجلاس کے شیڈول پر بھی غور کیا جائے گا تاکہ مالیاتی کمیشن کے کام کی رفتار کو یقینی بنایا جا سکے۔

اجلاس کے دوران تین نکاتی ایجنڈے پر خاص توجہ دی جا رہی ہے، جس میں وفاق اور صوبوں کے درمیان مالی وسائل کی تقسیم، این ایف سی ایوارڈ کی سفارشات، اور ذیلی گروپس کے قیام سے متعلق امور شامل ہیں۔