جیولن تھرو فائنل: ارشد ندیم میڈل کی دوڑ سے باہر – Sports

ورلڈ ایتھلیٹکس چیمپئن شپ جیولن تھرو کا فائنل ایونٹ ٹوکیو کے جاپان نیشنل اسٹیڈیم میں کھیلا جارہا ہے۔

فائنل میں پاکستان کے ارشد ندیم اور بھارت کے نیرج چوپڑا کے درمیان مقابلہ خصوصی توجہ کا مرکز بنا ہوا ہے۔

ارشد ندیم ورلڈ ایتھیلٹکس چیمپئن شپ میں میڈل جیتنے میں ناکام
ٹوکیو: انجری سے صحتیابی کے بعد ارشدندیم کی مایوس کن کارکرگی

مجموعی طور پر 10 ایتھلیٹس ایکشن میں دکھائی دیے، جرمنی کے جولین ویبر نے سب سے پہلی تھرو پھینکی جب کہ گرناڈا کے اینڈری سن پیٹرس دوسری اور ارشد ندیم تیسری جب کہ بھارت کے نیرج چوپڑا نے چوتھی تھرو پھینکی تھی۔

امریکا کے تھامسن نے نیزے کو 86.67 میٹر دور پھینکا، ارشد ندیم نے پہلی باری میں 82.73 میٹر تھرو کی جبکہ بھارت کے نیرج چوپڑا نے پہلی باری میں 83.65 میٹر تھرو کی۔

جرمنی کے جولین ویبر کی پہلی تھرو 83.86 جب کہ دوسری تھرو 86.11 میٹر ہوئی جبکہ بھارت کے دوسرے جیولن تھرو کے کھلاڑی سچن یادیو نے پہلی تھرو 86.27 میٹر کی حیران کن تھرو کی۔

نیرج چوپڑا نے دوسری باری میں 84.03 میٹر تھرو کی جبکہ ارشد ندیم کی دوسری تھرو ضائع ہوئی۔

پھر تیسری باری میں ارشد ندیم نے 82.75 میٹر تھرو کی جبکہ نیرج چوپڑا کی تیسری باری ضائع ہوگئی۔

نیرج چوپڑا نے چوتھی باری میں 82.86 میٹر تھرو کی، جبکہ پاکستان کے ارشد ندیم نے چوتھی تھرو ضائع کردی

واضح رہے گزشتہ روز ورلڈ ایتھلیٹکس چیمپین شپ کے کوالیفائینگ راونڈ میں پاکستان کے ارشد ندیم نے شاندار کارکردگی کا مظاہرہ کرتے ہوئے فائنل راؤنڈ کے لیے کوالیفائی کیا تھا۔

ارشد ندیم نے تیسری اور آخری تھرو میں 85.28 میٹر کا فاصلہ طے کر کے فائنل کے لیے کوالیفائی کیا تھا۔

ان کی پہلی تھرو 76.99 میٹر اور دوسری باری 74.17 میٹر رہی، تاہم فیصلہ کن تھرو نے انہیں فائنل کی دوڑ میں شامل کیا۔

ورلڈ ایتھلیٹکس چیمپئن شپ جیولن تھرو ایونٹ میں پاکستان کے ارشد ندیم نے شاندار کارکردگی کا مظاہرہ کرتے ہوئے فائنل راؤنڈ کے لیے کوالیفائی کر لیا ہے۔

ارشد ندیم نے تیسری اور آخری تھرو میں 85.28 میٹر کا فاصلہ طے کر کے فائنل میں جگہ بنائی۔

اس سے قبل پیرس اولمپکس میں جیولین تھرو کے مقابلے میں پاکستان کے ارشد ندیم نے تاریخ رقم کرتے ہوئے اولمپک کی تاریخ کی سب سے بڑی 92.97 میٹر کی تھرو کرتے ہوئے پاکستان کو 40 سال بعد اولمپک میں گولڈ میڈل جتوایا تھا۔

اولمپکس گولڈ میڈلسٹ ارشد ندیم کے لیے اعزاز ہے کہ ایشین ایتھلیٹکس فیڈریشن نے ارشد ندیم کو سال 2024 کا ایشیا کا بہترین ایتھلیٹ قرار دیا تھا، ارشد ندیم کو کوریا میں ایشین ایتھلیٹکس فیڈریشن کے اجلاس کے بعد ایوارڈ سے نوازا گیا تھا۔