عمران خان اور بشریٰ بی بی کیخلاف توشہ خانہ ٹو کیس کی سماعت کل تک ملتوی –

سابق وزیراعظم عمران خان اور بشریٰ بی بی کے خلاف توشہ خانہ ٹو کیس کی سماعت کل تک ملتوی کردی گئی۔
اڈیالہ جیل میں کیس کی سماعت سپیشل جج سنٹرل اسلام شاہ رخ ارجمند نے کی جوکہ 6گھنٹے تک جاری رہی ۔
سماعت کے دوران بانی پی ٹی آئی عمران خان کے وکلا بیرسٹر سلمان صفدر، قوسین فیصل مفتی اور ارشد تبریز کی جانب سے دلائل دیے گئے۔
کل کی سماعت میں سلمان صفدر اپنے حتمی دلائل مکمل کریں گے، سلمان صفدر کے دلائل مکمل ہونے پر استغاثہ کے وکلا اپنے جوابی دلائل دیں گے۔
آج ہونے والی سماعت میں پراسکیوشن ٹیم کمرہ عدالت میں عدالت میں موجود رہی اور بانی پی ٹی آئی کی بہنیں کمرہ عدالت میں موجود تھیں۔
دوسری جانب چیئرمین تحریک انصاف بیرسٹر گوہر بھی گیٹ نمبر پانچ پر موجود رہے۔