پاک فضائیہ کی بنیاد رکھنے میں پولینڈ کا اہم کردار ہے، اسحاق ڈار

پاکستان اور پولینڈ کے درمیان تعلقات کو مزید مضبوط بنانے کے عزم کے تحت دونوں ممالک کے نائب وزرائے اعظم نے اہم ملاقات کی اور متعدد مفاہمت کی یادداشتوں (MoUs) پر دستخط کیے۔

نائب وزیر اعظم و وزیر خارجہ اسحاق ڈار نے پولینڈ کے نائب وزیراعظم اور وزیر خارجہ رادوسواف شکورسکی کے ہمراہ مشترکہ پریس بریفنگ میں گفتگو کرتے ہوئے کہا کہ پاکستان پولینڈ کے ساتھ تعلقات کو انتہائی اہمیت دیتا ہے۔ انہوں نے کہا کہ پاک فضائیہ کی بنیاد رکھنے میں پولینڈ کا تاریخی اور اہم کردار رہا ہے اور دونوں ممالک کے درمیان تعلقات منفرد اور تاریخی نوعیت کے حامل ہیں۔

اسحاق ڈار نے کہا کہ پولینڈ کو پاکستان کا اہم شراکت دار سمجھا جاتا ہے، اور دونوں ممالک نے وفود کی سطح پر مذاکرات کے دوران دوطرفہ تعلقات کو مزید مستحکم کرنے پر اتفاق کیا ہے۔

انہوں نے بتایا کہ پاکستان اور پولینڈ کے درمیان تجارت، توانائی، معدنیات اور دیگر شعبوں میں تعاون کے بے پناہ مواقع موجود ہیں جنہیں بروئے کار لانا ضروری ہے۔

نائب وزیر اعظم اسحاق ڈار نے افغان سرزمین سے دہشت گردی کے مسئلے پر بھی تبادلہ خیال کیا اور کہا کہ دونوں ممالک دہشت گردی کے خلاف تعاون بڑھانے کے لیے پرعزم ہیں۔ انہوں نے کہا کہ پولینڈ کے نائب وزیراعظم نے بھارتی جارحیت پر تشویش کا اظہار کیا اور کشمیر پر پاکستان کے اصولی موقف کی مکمل حمایت کی۔

پاکستان اور پولینڈ کے درمیان دستخط کی گئی یادداشتوں میں انسٹی ٹیوٹ آف اسٹریٹجک اسٹڈیز اور پولش انسٹی ٹیوٹ آف انٹرنیشنل افیئرز کے درمیان تعاون کے معاہدے شامل ہیں۔ اس موقع پر دونوں ممالک کے نائب وزرائے اعظم بھی موجود تھے۔

پولینڈ کے نائب وزیراعظم رادوسواف شکورسکی نے پاکستان کی شاندار میزبانی پر شکریہ ادا کرتے ہوئے کہا کہ ان کے اور اسحاق ڈار کے درمیان مفید اور مثبت بات چیت ہوئی۔ انہوں نے کہا کہ تجارت، معیشت، معدنیات اور توانائی کے شعبوں میں تعاون پر تبادلہ خیال ہوا اور تعاون کی یادداشتوں پر دستخط خوش آئند ہیں۔

پولیس نائب وزیراعظم شکورسکی نے مزید کہا کہ پولینڈ اقوام متحدہ کے چارٹر کے تحت غزہ میں امن کا خواہاں ہے اور جنوبی ایشیا میں استحکام اور امن کے لیے کام کرنا چاہتا ہے۔

یہ ملاقات اور مفاہمت کی یادداشتیں پاکستان اور پولینڈ کے تعلقات کو نئی بلندیوں تک لے جانے کے لیے اہم سنگ میل ثابت ہوں گی۔

قبل ازیں پولینڈ کے نائب وزیراعظم و وزیرخارجہ رادؤسواف سکورسکی 2روزہ دورے پر پاکستان پہنچے، پولش نائب وزیراعظم رادؤسواف کی2روزہ دورے پر پاکستان آمد پر ایڈیشنل فارن سیکرٹری خالد جمالی نے معزز مہمان کا استقبال کیا۔

پولینڈ کے نائب وزیراعظم اپنے دو روزہ دورہ کے دوران پاکستانی ہم منصب نائب وزیراعظم اسحاق ڈار اور اعلیٰ حکام سے ملاقاتیں کریں گے، ملاقاتوں میں دوطرفہ تعلقات پر تبادلہ خیال کیا جائے گا، علاقائی اور بین الاقوامی صورتحال پر بھی بات چیت ہوگی۔

ترجمان دفتر خارجہ کے مطابق پولینڈ کے نائب وزیر اعظم دو روزہ سرکاری دورے پر پاکستان آئے ہیں، یہ وزیر خارجہ سکورسکی کا پاکستان کا دوسرا سرکاری دورہ ہوگا، ان کا پہلا دورہ پاکستان 2011 میں ہوا تھا۔

سفارتی ذرائع کا کہنا ہے کہ پولش وزیر خارجہ یہ 2 روزہ دورہ وزیرخارجہ اسحاق ڈارکی دعوت پر کر رہے ہیں۔

Source link