خودکش بمباروں کو پاکستان لانے والا داعش کمانڈر محمد احسانی افغانستان میں ہلاک – Pakistan

افغانستان میں داعش خراسان کو بڑا جھٹکا لگا ہے۔ جہاں تنظیم کا اعلیٰ کمانڈر محمد احسانی، جسے انوار کے نام سے بھی جانا جاتا تھا، مزار شریف میں نامعلوم مسلح افراد کی کارروائی میں ہلاک ہو گیا۔ سیکورٹی ذرائع کے مطابق احسانی نسلی طور پر تاجک تھا اور خودکش بمباروں کو تربیت دینے اور انہیں پاکستان لانے کا ذمہ دار تھا۔

محمد احسانی 2022 میں پشاور کے کوچہ رسالدار دھماکے کا مرکزی سہولت کار بھی تھا، اس افسوس ناک سانحے میں 67 افراد شہید ہوئے تھے۔

لکی مروت میں سیکیورٹی فورسز کا آپریشن، بھارتی اسپانسرڈ گروہ کے 17 دہشت گردوں کی ہلاکت کا دعوٰی

ذرائع کا کہنا ہے کہ احسانی پاکستان میں دہشت گردی کی متعدد کارروائیوں کے منصوبہ سازوں میں شمار ہوتا تھا اور اس کی ہلاکت داعش خراسان کی کارروائیوں کے لیے بڑا دھچکہ ہے۔

باجوڑ میں دھماکا، 3 بچے شہید اور 5 زخمی

سیکورٹی اداروں نے مزید بتایا کہ خیبرپختونخوا میں جاری آپریشن سربکف کے دوران رواں ماہ داعش خراسان کے تین دہشت گرد بھی مارے گئے تھے، جن میں ایک افغان شہری بھی شامل تھا۔ اس کے ساتھ ساتھ باجوڑ اور دیگر علاقوں میں داعش خراسان اور کالعدم ٹی ٹی پی کے سہولت کاروں کے خلاف کارروائیاں جاری ہیں۔