دورہ پاکستان: جنوبی افریقا کا تینوں فارمیٹ کے اسکواڈز کا اعلان، قیادت کون کرے گا؟ – Sports

جنوبی افریقا نے دورہ پاکستان کے لیے تینوں فارمیٹ کے اسکواڈز کا اعلان کردیا ہے۔

پیر کے روز جنوبی افریقا کی جانب سے دورہ پاکستان کے لیے ٹیسٹ، ون ڈے اور ٹی 20 اسکواڈز کا اعلان کیا گیا ہے۔ جنوبی افریقی ٹیم دورہ پاکستان میں 2 ٹیسٹ، 3 ون ڈے اور 3 ٹی ٹوئنٹی میچزکی سیریز کھیلے گی۔

کرکٹ جنوبی افریقا کے مطابق ٹیسٹ کپتان ٹیمبا باووما پنڈلی میں اسٹرین کے باعث سیریز سے باہر ہوگئے ہیں لہٰذا اب ان کی جگہ ایڈن مارکرم ٹیم کی قیادت کریں گے، اس کے علاوہ کیشو مہاراج پاکستان کے خلاف صرف دوسرے ٹیسٹ کے لیے اسکواڈ کا حصہ ہیں کیونکہ ان کا ری ہیب مکمل ہونا باقی ہے۔

ٹی ٹوئنٹی میچز میں جنوبی افریقی ٹیم کی قیادت ڈیوڈ ملر کریں گے اور ون ڈے میں میتھیو بریٹز کو عبوری کپتان کی ذمہ داریاں دی گئی ہیں۔

دوسری جانب ون ڈے کرکٹ کو خیرباد کہنے والے کوئنٹن ڈی کوک کی ٹی ٹونٹی ورلڈ کپ 2024 کے بعد ٹیم میں واپسی ہوئی ہے، انہیں اب ٹی ٹوئنٹی اور ون ڈے اسکواڈ میں شامل کیا گیا ہے۔

جنوبی افریقا کے ٹیسٹ اسکواڈ میں ایڈن مارکرم (کپتان)، ڈیوڈ بیڈنگھم، کاربن بوش، ڈیوالڈ بریوس، ٹونی ڈی زورزی، زبیر حمزہ، سائمن ہارمر، مارکو یانسن، کیشو مہاراج (صرف دوسرا ٹیسٹ)، ویان ملڈر، سینوران متھسامی، کگیسو ربادا، رائن ریکلٹن، ٹرسٹن سٹبز، پرینیلن سبریاین، کائل ویرین شامل ہیں۔

جنوبی افریقا کے ٹی 20 اسکواڈ میں ڈیوڈ ملر (کپتان)، کاربن بوش، ڈیوالڈ بریوس، نندرے برگر، جیرالڈ کوٹزی، کوئنٹن ڈی کوک، ڈونووان فریرا، ریضا ہینڈرکس، جارج لنڈے، کوینا مافاکا، لنگی نگیدی، نکابا پیٹر، لوہان-دری پریٹوریئس، اینڈائل سمیلان، لیزاڈ ولیمز شامل ہیں۔

جنوبی افریقا کے ون ڈے اسکواڈ میں میتھیو بریٹزکے (کپتان)، کاربن بوش، ڈیوالڈ بریوس، نندرے برگر، جیرالڈ کوٹزی، کوئنٹن ڈی کوک، ٹونی ڈی زورزی، ڈونووان فریرا، بیورن فورٹین، جارج لنڈے، کوینا مافاکا، لنگی نگیدی، نکابا پیٹر، لوہان-دری پریٹوریئس، سینیتھمبا کیشیلی شامل ہیں۔

یاد رہے کہ ورلڈ کپ 2023 کے بعد کونئنٹن ڈی کوک نے ون ڈے سے ریٹائرمنٹ لے لی تھی، بعد ازاں انہوں نے وائٹ بال کے دونوں فارمیٹ میں کھیلنے کی خواہش ظاہر کی تھی، تاہم اب ڈی کوک 2024 کے ٹی ٹوئنٹی ورلڈکپ کے بعد دوبارہ ٹیم کو جوائن کرچکے ہیں۔

جنوبی افریق کی ٹیسٹ ٹیم 7 اکتوبر کو پاکستان کے لیے روانہ ہوگی، روانگی سے قبل ٹیسٹ اسکواڈ 5 اور 6 اکتوبر کو پریٹوریا میں ٹریننگ کرے گا۔

ورلڈ ٹیسٹ چیمپئن شپ میں پاکستان ٹیم پہلی سیریز جنوبی افریقا کے خلاف کھیل رہی ہے اور سیریز کا پہلا ٹیسٹ 12 اکتوبر سے لاہور جب کہ دوسرا ٹیسٹ 20 اکتوبر سے راولپنڈی میں شیڈولڈ ہے۔

جنوبی افریقا کے خلاف ٹیسٹ سیریز کے بعد 3 ین ٹی ٹوئنٹی میچز کی سیریز بھی ہوگی جس کا پہلا میچ 28 اکتوبر کو پنڈی میں کھیلا جائے گا جب کہ بقیہ 2 میچز قذافی اسٹیڈیم میں 31 اکتوبر اور یکم نومبر کو کھیلے جائیں گے۔

ٹی ٹوئنٹی انٹرنیشنل میچز کے بعد 3 ون ڈے میچز 4، 6 اور 8 نومبر کو فیصل آباد کی سرزمین پر کھیلے جائیں گے۔